ДӘРІГЕРЛЕР ЖЫЛДЫ ҚОРЫТЫНДЫЛАДЫ

Облыс дәрігерлері өткен жылды қорытындылады. Басқосуда біраз әңгіменің басын қайырған олар, әсіресе, ана мен бала өліміне көбірек тоқталды. Өйткені, көрсеткіш көңіл қуантарлық емес. Мұны денсаулық сақтау басқармасының бөлім басшысы Ұлжан Мұхтарованың да баяндамасынан байқауға болады. 2017 жылы 54 әйел үйден босанса, 2018 жылы олардың саны қырыққа жуықтаған. Оның соңы ана мен бала өміріне қауіп тудыруда, — дейді дәрігерлер. Сондай-ақ, басқарма басшылары өз әріптестерінің тарапынан жіберілген кемшіліктерді де айтып өтті.